Advocatos tam in curia nostra quam coram provinciarum iustitiariis ^.a. statuendos necnon et per partes singulas regni nostri ante receptum officium tactis sacrosanctis ^.b. evangeliis corporalia volumus sacramenta prestare, quod partes, quarum patrocinium susceperint ^.c. , cum omni fide et veritatem et sine tergiversatione aliqua adiuvare curabunt, ipsas de facto non instruent, contra veram conscientiam nullatenus allegabunt, et quod causas non recipient desperatas et, si quas forte receperint partis mendaciis forsitan coloratas, que in principio sibi iuste videntur et in processu iudicii de iure vel de facto comparuerint ipsis iniuste, ipsarum patrocinium in continenti dimittent, sprete parti, prout priscis legibus ^.d. est statutum, licentia convolandi ad alterius patrocinium deneganda. Iurabunt etiam, quod augmentum salarii ^.e. in processu iudicii non requirent ^oo- nec de parte litis ineant pactiones. Quod sacramentum non semel tantum prestitisse sufficiat, sed coram magistro iustitiario et iustitiariis regionum anno ^.f. quolibet renovabunt. Si quis autem advocatorum contra predictam formam sacramentorum venire temptaverit in aliqua causa magna vel parva ^.g. , ab officio cum perpetue infamie nota remotus tres libras auri purissimi fisco nostro componat. Denique clericos in secularibus causis ^.h. et iudiciis omnino prestare patrocinia prohibemus preterquam in causis suis propriis, consanguineorum atque affinium, item in causis ecclesiarum, ecclesiasticarum ac miserabilium personarum, ita ut tunc etiam sine pretio valeant postulare. Quisquis autem nostrorum officialium advocatum ipsum admiserit presenti nostra ^.i. constitutione contempta, libram unam auri sacro erario nostro se illatur [20v] um agnoscat, advocato nichilominus, qui illicitum patrocinium recipere presumpserit ^-a, eadem pena multando. ^oo- 1) instruant 2) videntur 3) ipsorum 4) quos 5) advocand[os]