Lege presenti pietatis ^.a. officio suggerente statuimus pupillis, viduis, orphanis, pauperibus seu quibuslibet debilibus, presertim contra potentes agentibus aut defendentibus causas suas seu iura nostre curie deferentibus advocatos et pugiles, si causa poposcerit, de curia nostra gratis et expensas alias victui necessarias, dum in curia nostra necessariam moram trahunt, necnon testium producendorum impendia per curie presidem largiri debere. Nullas ab ipsis propterea sportulas ab apparitoribus vel tabellionibus nostris aut pro sententiarum subscriptionibus aliquid volumus postulari.