Contingit interdum aliquem de crimine capitali coram regionum iustitiariis accusatum pendente causa ipsa per magistrum iustitiarium ^.f. magne curie nostre citari de pari crimine vel minori aut etiam de civili questione castrorum vel aliorum feudalium, quorum cognitio singulariter ad curiam nostram spectat, sicque prerogativa maioris auditorii ^.g. causa, que aliquando coram iustitiario usque ad calculum diffinitive sententie iam devenerat ^o--o , necessario prorogatur ^.h. [32v] nec innocentia absolvendi detegitur nec puniendus debita pena dampnatur. Sancimus itaque priorem causam coram iustitiario motam terminari debere, que omnia, scilicet cause qualitas et in quantum sit in questione processum, per litteras iustitiarii magistro iustitiario patefiant. Ac tunc demum, si hoc eventus prioris iudicii patiatur, puta quod ex priori sententia non sit mortuus accusatus, quo casu iam penam aliam sufferre non potest, citatus ad curiam nostram venire debebit. Ceterum si de maiori crimine per magistrum iustitiarium citabitur accusatus, privilegio maioris auditorii cum maioritate iudicii concurrente, nisi coram priori iudice usque ad diffinitivam sententiam sit perventum, citatus, si contumax videri noluerit, coram magistro iustitiario se presentet. In omnibus superioribus crimina lese maiestatis excipimus, de quibus convicti et condempnati vitam cum bonis amittant ^-a , in quibus quovis alio capitali crimine coram iustitiario accusati citati per superiorem iudicem ad evitandum contumacie penam sui corporis copiam facere non detractent.