Hac edictali lege iubemus advocatos omnes pro eorum salariis, quandocumque in privatorum causis ipsos oporteat postulare, non amplius exigere nec a litigatoribus stipulari quam sexagesimam cause ^-b, , pro qua suffragium spoponderunt, si res, que petitur, extimationem recipiat. Ceterum in hiis, que non poterunt extimari, volumus advocatorum salaria iudicis arbitrio diffiniri, quemadmodum causa status et etiam rei sacre necnon et hominum, dum contra ipsos accusatio instituitur de tali crimine, de quo convicti corporaliter puniantur vel alias contra ipsos procedi possit iuxta criminum qualitatem, preterquam in actione iniuriarum, in qua decernimus a tempore oblati libelli baiulos et iudices advocatorum salaria pretaxare, et ceteris hiis similibus, quas iura vetera prescripserunt.