Dilationes in iudiciis hactenus observatas, que non tantum iura nostrorum fidelium differebant, verum etiam perimebant, precidere disponentes precipimus, utraque parte presente, quocumque iure agatur, sive etiam quis criminaliter privato aut publico iudicio accusetur, statim ^.a. oblato libello ^.b. , quem in iudiciis omnibus offerri volumus ^.c., prout actionis qualitas vel accusationis forma, nisi causa valde sit modica, infra duos augustales scilicet, ipsum desiderat offerendum ^.d. , litis contestationem, que in principalibus personis per negationem vel confessionem, in procuratoribus et defensoribus aliorum per ignorantie verbum ^.e. fieri potest, sequi debere, ut tamen in causis civilibus, que coram baiulis vel locorum dominis aguntur, pridie antea futurus reus citari debeat et in ipsa citatione contineatur expressim, a quo et de qua re et quo etiam impetitionis genere impetatur. Nisi dilatoria ^.f. competens exceptio opponatur, deliberatoriis tamen indutiis omnino sublatis, sed in continenti guadiis datis in civilibus iudiciis, ut est iuris ^.g. , et fideiussoribus post triduum prestitis, nisi conventus possessor rerum immobilium inveniatur, quo casu fideiussoriam cautionem iudicio sisti cessare ^o-o debere censemus, in ipso loco iudicii cum amicis et advocatis suis super principali causa conventus deliberet responsurus. Mobilium etiam rerum possessor, si fideiussores [31v] dare nequiverit, cautioni iuratorie committatur, nisi pauper aliquis atque girovagus iniuriarum aut de quolibet alio maleficio, cuius cognitio spectat ad baiulum, impetitus fideiussores dare nequiverit, qui usque ad finem litis per baiulum carceris custodie mancipetur.