Ut universis et singulis regni nostri nobilibus honor debitus integre conservetur, comitibus, baronibus et ceteris militaribus viris ^-b eorum iudicia sibi invicem reservamus, videlicet ut predicti criminaliter accusati ^-c vel etiam conventi civiliter nonnisi per comites et barones et eos, qui a nobis tantum feuda in capite tenent, non qui comitibus et baronibus aliis teneantur, diffinitivas sententias vel interlocutorias etiam, que principali negotio preiudicium possint afferre, recipiant cum proborum virorum iudicio et aliorum nobilium consilio proferendas et per eosdem comites ^-d et barones, interdum etiam de commissione ipsorum ^-e per iudices curie recitandas. Et quamquam omnes aliquando examinationi totius negotii non intersint, auditam tamen causam et plene discussam iustitiarius et iudices nobilibus, qui sententiam ferre debebunt, seriatim enuntient, ut sic antedicti comites ^.a. et barones secundum sacras constitutiones ^.b. nostras ac in defectu ipsarum secundum regni consuetudines approbatas et demum secundum iura, quibus constitutiones nostre et predecessorum nostrorum non obviant, ac denique recepto responso celsitudinis nostre, si cause dubietas ^.c. hoc exigat, causam secundum Deum et iustitiam sententialiter terminare procurent. A quorum sententiis si contigerit ad audientiam superiorum iudicum vel nostri culminis provocari, appellationis iudex ordinarius vel delegatus a nobis ^.d. , qui comes similiter sit vel baro, de aliorum comitum et baronum et iudicum ac proborum virorum consilio appellationis causam honori nostro et iustitie deferentes confirmando vel infirmando priorem sententiam decidere procurabunt, quod non solum in iudiciis cognitionum nostrarum, sed in aliis etiam generaliter, sive delegationis iure sive iure ordinario cognoscatur, inviolabiliter volumus observari. Et ut omnis omnino ab antedictis iudiciis possit abesse dubietas, comites et barones et similes, qui vel in magna curia nostra vel alibi debebunt de cetero interesse sententiis, corporalia volumus sacramenta prestare, quod de pure conscientie gremio, nulli favori vel gratie deferentes iuxta sacratissimas predecessorum nostrorum, regum Sicilie, et nostri nominis sanctiones ac deinde secundum obtentas consuetudines et iura et postremo de conscientie nostre consilio sententias [12v] formare curabunt. Sententie tamen, que ante tempora presentis ^-a legis citra predictam formam contra comites et barones et similes late sunt, in suo robore perseverent.