Cum concessiones et privilegia omnia a divis augustis, parentibus nostris, et a nobis ante curiam ^.a. Capuanam indulta, que per nos post eandem curiam confirmata non essent, necnon ea, que proximo turbationis tempore post transfretationem nostram usque ad festum purificationis virginis a nobis aut a Raynaldo, duce Spoleti, concessa fuerunt, [33v] mandaverimus revocari, edicto legis presentis edicimus predictis privilegiis et concessionibus nullam omnino fidem haberi, sed malivolum eorum propositum, qui ^-a ipsa post prohibitionem nostram retinent, prosequentes iubemus predictos omnes in tanta extimatione ^-b dampnari nostre curie applicanda, quantum id, quod concessum fuerat, dignoscitur extitisse.