Speciale quoddam Francorum ius, immo, ut proprius loquamur, iniuriam, quod in iudiciis ^.e. tam civilibus quam criminalibus hactenus obtinebat, de medio tollere cupientes presentis sanctionis nostre programate cunctis regni nostri fidelibus volumus esse notum, quod nos, qui singulorum ^.f. iura iustitie libra pensamus, in iudiciis aliquam discretionem ^.g.habere non volumus personarum, sed equa lance sive sit Francus ^.h. sive Romanus aut Longobardus, qui agit seu convenitur, iustitiam sibi volumus ministrari. Cavillationes et captiones antiquas iuris Francorum, quinzanas et momenta temporum, que inter [31r] Francos litigantes in iudiciis hactenus servabantur, necnon quasdam alias subtiles observationes tam in civilibus quam in criminalibus causis submovemus. Penam etiam, per quam Francus ante litem contestatam contumax bonis mobilibus omnibus privabatur, in penam tertie partis mobilium nostra constitutione contentam volumus esse transfusam. Illud nichilominus, quod acerbius reputamus, presenti lege corrigimus, videlicet quod Francus lite cum eo in pecuniariis litibus vel in causis criminalibus contestata contumax, bonam vel malam causam habeat, ipsam amittat. Hoc enim et ab omni iustitie tramite discrepat et omnis hoc ratio equitatis abhorret, ut propter alicuius absentiam, que Dei debet repleri presentia, firma iustitia vel in sui perpetuitate deficiat vel in constantia varietur. Presenti igitur tempore Francus contumax non, ut olim, causam amittat, sed iuxta nuper editam nostri nominis sanctionem ^-a vel possessionem vel venditionem bonorum ^-b aut perpetue possessionis iacturam vel decisionem principalis cause, remedio appellationis excluso ^-c, secundum ius et iustitiam patiatur.