Linke Glosse
Haupttext
De pena contumacie in civilibus causis.
Penam novem unciarum et tertie, que contra contumaces hactenus in iudiciis obtinebat, a nostra re publica proscribentes contumacem, cuiuscumque condicionis sit, conventum civiliter aut criminaliter accusatum tertia .a. parte bonorum mobilium nostro erario inferenda in posterum multari censemus. Sic enim et iudiciorum vigor augebitur et personarum .b. competens discretio inducetur. Plerumque etenim contingebat aliquem vilem et pauperem in predictis novem unciis et tertia condempnari, qui non tantum aliquando et aliquando amplius non habeat, in quo multa predicta nedum fines modestie, sed severitatis etiam terminos excedebat. Contingebat interdum nobilem aliquem et in facultatibus opulentum penam ipsam eludere, dum nichil fere diminui de patrimonio providebat. Sed quota detracta mobilium pro qualitatibus personarum equalem contumacibus penam imponit. Civilibus tamen causis coram baiulis et iudicibus agitandis citatus et contumax pro qualibet contumacia et per quemlibet mensem, quo in ipsa duraverit, augustalem unum curie nostre persolvat.
Rechte Glosse
.a.¶ Sed nunquid iudex, vel Baiulus poterit indicere penam maiorem tertiam partem bonorum mobilium? Et recte quero, quia delegatus, cui min(us) licet possit hoc facere, ut infra de probat insti. et test. l. in peccuniariis. .
.b.¶ Punitur contumax ad tertiam partem bonorum mobilium: quod intelligo, cum est contumax coram iust(itiario), vel mag(istro) iu(stitiario), nam coram Baiulo aliter punitur, ut s(upra) de offi. baiu. l.i. in fi.. Item contumax patitur missionem in possessione(m), ut i(nfra) Kein Infol. Proxima. .