Sancimus lege ^.d. presenti omnibus volentibus contrahere matrimonium necessitatem imponi, universis hominibus regni nostri [f. 43r] et nobilibus maxime, post sponsalia celebrata ^oo- sollempnitate debita et sacerdotali benedictione premissis matrimonium sollempniter et publice celebrari. Alioquin noverint amodo molientes contra nostrum regale edictum neque ex testamento ^-b neque ab intestato se habituros heredes legitimos ex clandestino et illicito per nostram sanctionem matrimonio procreatos. ¶ Mulieres etiam dotes aliis nubentibus legitime debitas non habere. ^-c ¶ Rigorem cuius sanctionis omnibus illis remittimus, qui promulgationis huius tempore iam matrimonium contraxerunt. ¶ Viduas etiam volentibus ducere huius necessitatis vinculum relaxamus.