Iustitiarios regionum, prout predecessorum nostrorum, regum Sicilie, constitutionibus est inductum, sollicitos esse volumus et devotos, ut magistris camerariis, baiulis et aliis officialibus, cum per eos extiterint requisiti, consilium et auxilium, prout ad iurisdictionem suam pertinet, debeant impartiri. Ceterum ad hoc, ut iustitiarii ipsi cum personis sibi per nostram curiam deputatis in dispendium rei familiaris suis laborare stipendiis non cogantur, per speciales et sacros nostre mansuetudinis apices, prout statutus quilibet pro tempore fuerit, statuemus eidem in expensis annalibus et sufficientibus provideri. [15r]