In causa depositi ^.f. , in qua olim pugna ^.g. locum habebat, pugne prorsus interdicimus facultatem. Sed ut de eo dubietas oriri non possit, sub tali cautela volumus depositum celebrari ^.h. , videlicet ut deposito, cuius quantitas infra libram auri subsistit, tres testes fide digni et omni exceptione maiores debeant interesse. Ultra libram autem auri debet fieri de deposito publicum instrumentum ^.i. per manus tabellionis ^++o , qui intersit ipsi [35v] deposito, non qui iussione iudicis instrumentum fecisse se dicat, et trium iudicum in depositione presentium subscriptione signatum, vel si unus iudex tantum intersit, simul cum eo debeant interesse tres testes, qui specialiter una cum iudice et tabellione predictis se instrumento ipsi subscribant.