Comitibus, baronibus ac universis militibus regni nostri, qui feuda tenent, concedimus facultatem pro militia fratris, cum comes vel baro seu miles suis expensis militem fecerit, adiutorium ab hominibus suis exigere moderate pro facultatibus hominum et expensarum etiam quantitate. Tamen pro faciendo fratre milite non minus quam pro sororibus maritandis occasione eorum, que a communi patre maior frater habere dignoscitur, ex debito teneatur. Et licet frater minor a familia fratris fratre etiam contradicente discesserit, dum forte more nobilium ad fortune compendium melioris aspirat, rediens tamen quolibet tempore militiam sibi debitam absque alicuius repulse timore de bonis patris ^.c. a fratre maiore petere poterit et habere.