Privilegia et instrumenta proditorum nostrorum aut invasorum regni nostri quorumlibet nomina continentia et que a iudicibus factis ab eis aut tabellionibus scripta et subscripta inveniantur necnon que secundum aliquorum locorum consuetudines per litteram illegibilem et non communem scripta sunt, usque ad annum a die insinuationis constitutionum nostrarum declarari et renovari decernimus ac appositione nostri nominis roborari, nulla ex instrumentis predictis ex presenti iussione nostra non declaratis in iudiciis aut extra iudicia fide in posterum assumenda.