Omnes officiales nostros abstinere precipimus a gravaminibus, que nostris fidelibus hactenus inferebant mittendo ipsos interdum pro deferenda pecunia ad erarium nostrum seu pro quibuslibet aliis servitiis curie nostre interdum ipsorum animalia capiendo et nec ipsis pro personis statutas a curia ^.b. nostra expensas nec pro vecturis animalium mercedes similiter diffinitas aliquatenus exsolvebant. Quod si fecerint, de bonis suis expensas et mercedes easdem hominibus et tantumdem exsolvere nostre curie compellantur.