Duram consuetudinem ^.f. et iniquam, que circa prescriptiones in aliquibus regni nostri partibus obtinebat, in posterum silere precipimus et presentem legem [46ra] circa ipsas inducimus, omnibus aliis ipsi contrariis inter regni nostri fideles omnino sublatis. ¶ Sancimus igitur prescriptionem anni mensis, diei et hore, per ^-a quam aliquis de dominio sue rei cadebat et Francus de dissasina queri non poterat, penitus amoveri, sed generales prescriptiones communis iuris locum habere, scilicet inter presentes decennii, inter absentes vicennii, precedente scilicet iusto titulo et bona fide ex utraque parte undique concurrente. Per tricennalem etiam prescriptionem inter privatos, excepta ypothecaria actione, cuius vita interdum in annos quadraginta extenditur, ^-b omne ius et omnem actionem volumus submoveri. ^-c Quadragenali etiam prescriptione inter fratres lege Longobardorum ^-d inducta super adequatione stantium partium minime facienda et super rebus, quas alter ex fratribus tempore predicte possessionis aliunde habere se iurat, in suo robore duratura et ad omnes regni nostri fideles per presentem constitutionem nostri nominis prorogata. ¶ Usucapionibus, que in rebus mobilibus iure ^-e communi inducte sunt, in sua firmitate servatis.