Die Bennenung der Konstitution scheint bei Lieck-Buyken und Stürner hier zu divergieren: Während Lieck-Buyken diese Konstitution (bei ihr: I. 73, 1+2) numerisch zweiteilt, ist diese identisch mit der bei Stürner I. 73,1 benannten Konstitution. Folglich benennt Lieck-Buyken die darauffolgende I. 73,3, die bei Stürner I. 73,2 benannt ist. Cum circa iustitie tramites ^.c. imperialis clementia oculos sue provisionis advertit et sui regiminis extollit solium armando legum munimine imperatoriam maiestatem, et subiectorum gravamina et oppressiones relevat, qui sola post Deum munificentie principis lenitate respirant. Discreta itaque vicissitudine temporum, dum post bellorum strepitus obtenta victoria succederet quies pacis, ad hoc se principalis ingenii erexit provisio, ut paci iustitiam ^.d. sociaret. Ad quod itaque, dum perpenso deliberationis consilio vacaremus, districta postmodum moderatione prescripsimus, quot et quales baiuli, iudices ^.e. atque notarii per urbes singulas iustitiam ministrarent, videlicet hiis, quos dudum invasorum regni per diversas provincias creavit iniquitas, penitus antiquatis et in ipsorum locum de mandato nostro duobus aut tribus aut quinque in locis aliquibus, qui in contractibus tunc intersint, et uno tantummodo, qui una cum baiulo causas examinet et decidat, viris providis et fidelibus substitutis, ut in novi regis [18r] victoria novella iustitie propago consurgat. Qui iuxta tenorem constitutionum nostrarum et iura ac consuetudines ^-a approbatas causas audiant et auditas examinent et a gratiarum et munerum sordibus abstinentes de pure conscientie ^-b gremio gratuitas sententias proferant, non venales, nichil omnino preter esculenta ^-c et poculenta semel tantum in causis per se vel per alium a litigantibus capientes, sed de munificentie nostre gratia salarium ^-d a curia nostra recipiant, prout unicuique predictorum in locis singulis per nostram excellentiam est provisum. Statuimus ^-e etiam, ut tricesimam partem quantitatis in petitione deducte vel extimationis petite rei sub sacramento partis et taxatione iudicis ab utraque parte ^-f litigantium statim porrecto ^-g libello in pecunia vel pignoribus pro curia nostra et pro se demum lite sententia vel transactione finita tricesimam inter ipsos equaliter dividendam baiulus, iudex atque notarius pro scriptionibus ^-h et subscriptionibus consequantur, preterquam in actione iniuriarum, in qua de eo tantum, quod in taxatione et condempnatione deducitur, tricesima persolvatur. Verum si possessionis sola in iudicio restitutio postuletur, tunc sexagesimam tantum accipiant, tricesimam sub decisione plenissima in petitorio recepturi, et sic cum qualitate cause vicissitudo salarii compensetur et curie non cogantur laboribus vacuis laborare, de compositionibus maleficiorum, que privatis personis vel rei publice inferuntur, eandem partem a partibus baiulis percepturis, circa quasi possessionem iurium hiis omnibus, que in iudiciis possessionum rerum corporalium ^.a. duximus, observandis. Ad cuius salarii prestationem partes aut sponte prestitis vel suffragio curie receptis pignoribus arceantur.