In locis demanii nostri ubique per regnum iudices non plures tribus et notarios sex ^-d volumus ordinari, civitatibus Neapolis, Salerni et Capue tantum exceptis, in quibus iudices quinque et octo notarios esse volumus statuendos, in quibus fere omnes contractus coram iudicibus et notariis celebrentur, quos non, ut olim, a magistris iustitiariis seu camerariis, sed a nobis ^-e tantummodo ordinari sancimus preter iudicem et actorum notarium, quos, ut predictum est, magistri camerarii poterunt ordinare. Quos omnes etiam sub tali cautela decernimus promovendos, ut nullus iudex et notarius publicus, nisi sit de demanio ^-f , ut nullus iudex et notarius publicus, nisi sit de demanio ^-g et homo demanii, statuatur, ita quod nulli sit servitio vel condicioni subiectus nec alicui persone ecclesiastice seu seculari, sed immediate nobis tantummodo teneatur. Predicti autem tam iudices quam notarii cum litteris testimonialibus hominum loci illius, in quo statuendi sunt, ad presentiam nostram vel eius, qui vicem nostram in absentia nostra in regno universaliter procurabit, accedant. Que littere testimonium fidei ^.a. et morum iudicis et notarii statuendorum continere ^.b. debebunt et quod in ipsius loci consuetudinibus sit instructus. Examinationem autem litterature et etiam iuris scripti nostre curie examini reservamus.