Iuris gentium induxit auctoritas et naturalis hoc ratio non abhorret, ut tutela cuilibet sui corporis permittatur ^-a. . Quia tamen sepe contingit aggressoris in tantum supereminere potentiam, ut, si oppresso de iure se defendere liceat, de facto tamen non possit, presentis legis auctoritate cuilibet licentiam impartimur ^-b , ut adversus aggressorem suum per invocationem nostri nominis se defendat ^-c eique ex parte imperiali prohibeat, ut ipsum offendere de cetero non presumat. Quod non tantum in predicto casu locum habere decernimus, cum is, qui predictam defensam imponit, offendi forsan metuit in persona, verum etiam cum in rebus, quas possidet, mobilibus vel immobilibus aut se moventibus necnon incorporalibus, inferri sibi quisquam ab aliquo ^-d violentiam pertimescit, ne vel res mobiles per vim auferantur vel in aliis destitutionis iniuriam patiatur. Presentis constitutionis nostre licentiam ad eos etiam propagamus, qui in personis aut rebus parentum, quos nostri veteres dixere maiores ^-e , filiorum aut nepotum ^-f et ex eis, qui dulci filiorum vocabulo nuncupantur, et in eis aut rebus eorum denique, qui in eadem ^-g familia ^-h et cohabitatione ^-i tenentur, vim vel iniuriam pati metuerint, qui defensam imponunt. Eadem licentia ^.a. in predictis casibus tribuenda vassallis, qui a dominis suis in personis aut rebus suis vel suorum offendi verentur iniuste. Verum si occasione adiutoriorum in articulis nostris et predecessorum nostrorum constitutionibus ^.b. comprehensorum aut antiquis consuetudinibus ^.c. vel ex aliis causis, ex quibus vassalli dominis suis aliquid dare vel facere tenentur de iure vel de consuetudinibus supradictis, defense dominis imponantur, licebit eis iure suo uti nichilominus post defensam. Verumtamen si iuste defense ponantur pro rebus mobilibus, forsitan utpote bove ablato et similibus, dominus, qui contra defensam venerit ^.d. , et id, quod post defensam abstulit, reddat ^.e. et aliud tantumdem curie nostre componat ^.f. , ut hec tantum sit in casu isto pena defense. Ceterum si iniuste fuerit defensa imposita , tunc ipsam imponens et id, quod petebat ^.g. , amittat et aliud tantumdem camere nostre solvat. Statuimus etiam, ut de defensis huiusmodi super mobilibus factis a vassallis contra dominos ^.h. civiliter tantum et non criminaliter agi possit, et si de hiis ad magnam curiam nostram proclamatio deferatur, cause ad regionum iustitiarios remittantur ^.i. . Si tamen inter duos vasallos defensae [im] ponantur ex parte Nostra, de tertia parte mobilium ^.k. curie nostre debita tantum domino acquiratur, quantum ei ex qualitate ^.l. delicti, puta ex violentia vel similibus, si defensa non fuisset imposita, deberetur, et reliquum nostris largitionibus inferatur. Si vero ob causas alias, puta ob timorem personarum suarum vel suorum, vel ne in uxore, filia vel sorore ^.m. raptus crimen vel adul [f. 5r] terii perpetretur, aut in similibus, ex quibus capitalis et publica accusatio possit oriri, defense dominis imponantur, tunc vassalli habeant in defensis ipsis ius commune cum ceteris, et eundem in prescriptis casibus, quem in omnibus aliis, defense imposite sortiantur effectum. ^{.b. Sine littera}