Pessimam et horrendam questus ^-f materiam, que hactenus in grave dispendium subiectorum nostrorum invaluit, resecantes, dum mulieres, que raptus iniuriam vel violentiam passe non erant, de aliquibus per mendacium querebantur et sic accusationis instituende vel institute timore, dum iudiciorum strepitus vel eventus metuerint accusati, imparia matrimonia ^{-g .a.: in textu, in columna dextera-g: in glossa, in margine sinistro} sortiuntur interdum , interdum etiam stirpem turpem a reis velamento predicte accusationis acquirunt, volumus et mandamus, ut quecumque post hec de tali fuerit falsa delatione convicta, mortis ^.b. laqueis irretita in foveam incidisse se sentiat, quam alterius casui preparabat, si ea, que detulerat, comprobasset. Que si supplicii ^.c. tempore pregnans inveniatur, usque ad quadraginta dies post partum ipsius penam humanitate suadente volumus prorogari ^.d. et partum ex ea editum, si non habeat proximos, cognatos forsitan vel affines, quos ad nutriendum ipsum affectio proximitatis inducat, de bonis nostris per officiales nostros, qui tunc temporis in illis partibus preerunt, educari iubemus.