Officia, que personis specialiter conferuntur, personas transgredi, quibus sunt collata, non possunt. Iustitiarios, qui hactenus loco sui vicarios statuebant, a licentia predicte presumptionis illicite cohercemus. Cum enim causa aliqua singularis, que criminalis sit, ab aliquo alii regulariter committi non possit, multo minus predictarum causarum universitas poterit delegari. Qui aliter fecerit ordinator et ordinandus, capitali sententie se noverit subiacere.