Auctoritatem ^.a. etiam magistris procuratoribus indulgemus demania curie nostre fidelibus nostris ad modicum tempus non ultra quinquennium statuendum et ad certam fructuum quantitatem, prout poposcerit qualitas temporum et locorum, colenda concedere. Paludes etiam et nemorosa loca, que defensis nostris et publicis pascuis seu lignorum incidendorum usibus deputata non sint, cum indempnitate nostra necnon consilio nostrorum fidelium extirpanda et colenda concedant, certis super hiis proventuum parte vel censu, prout melius expedire viderint, constitutis, veteri nullatenus diminuto. Que si subastatione et qualibet alia iuris sollempnitate servata predicto modo fuerint in perpetuum etiam colenda concessa, perpetuo iure subsistant, presertim cum a nobis seu successoribus nostris iidem procuratores lo [21v] candi paludes et nemora supradicta nacti fuerint pro tempore potestatem, ne auctoritate nostra deceptos se doleant possessores et laborum suo rum et sumptuum incommoda pertulisse tristentur. Que in predictis locationibus etiam per procuratores nostros, subastatione et alia debita sollempnitate servata, confectis volumus observari.