Quicumque toxicum aut malum venenum, ^.a. quod ad confectionem utile vel necessarium non sit, habuerit aut vendiderit, suspendatur. Taxum etiam vel herbas huiusmodi, de quibus pisces mortificantur aut moriuntur, a piscatoribus in aquis proici vetamus. Propter hoc etenim et ipsi pisces redduntur infecti et aque, de quibus interdum homines et bestie sepius potum assumunt, nocive redduntur. Quod qui fecerit, per annum cum ferris operibus publicis deputetur.