Linke Glosse
-a ¶ Nota: dapnantur ad mortem inferentes violentiam meretricibus, dum modo violentiam passe conquerantur usque ad VIII dies. .
-b¶ Nota: Meretrices ab aliquo cognoscendas non esse sue satis facere voluntati. Secus autem est, si de voluntate eas cognoscat quo ca(s)u non videbatur vis illata, sicut dicitur de eo qui, involentem iniuriam fecit quod nullam facere iniuriam videatur ut ff. de iniur. l.i. usque adeo. .
-c¶ Nota: Clamorem constare debet emissam fuisse.
-d ¶ Considera quod apariretur cessatio proclamationis in octo dies inducit enim presu(m)ptionem contra mulierem, ut non videatur vix (-> vis) illata, sicut hic dicit: A qua presu(m)ptione cum non sit iuris, et de iure recedi debet per contrariam presu(m)ptionem certam. Scilicet testium, vel confessionis partis ut ff. quod met. cau. l. non est versimile, principio respondeo; certam ideo dicit: quia pugnam probatio, quae est incertam, ut in iur. lombardo, de homic. li. ho. l. recolimus. Etiam secundum veteres leges non habeat locum, nisi facta proclamatione infra octo dies, ut infra eo. l. in questionibus principio respondeo et potest (de) hec ratio assignari: quia cum pugna non habeat locum nisi precedentibus indiciis, ut infra de probat. instr. et testi. l. monachiam (=monomachiam), cessante proclamatione, quae loco indicii haberi poterat, sessabat (=cessabat) et pugna. Videtur tamen, quod hodie non sit necessaria proclamatio: tunc quia pugna, quae olim habeat locum sub distinctione proclamationis et temporis, est sublata: tunc quia etiam sine vociferationenbus et clamoribus mulieris, aliis similibus probationibus causa ei potest instrui, ad hoc ut principi referatur, ut praeallegata leg. Kein Infoin questionibus.
-e¶ Nota: Spatio octo dierum.
Haupttext
De violentia meretricibus illata.
Omnes [f. 6r] nostri regiminis -a sceptro subiectos decet maiestatis nostre gratia gubernari et alterum ab altero, tam mares quam feminas, nec a maioribus vel equalibus vel minoribus defendendo pacis gloria confoveri nec pati aliquo modo vim inferri. Miserabiles itaque mulieres, que turpi questu prostitute cernuntur, nostro gaudeant beneficio gratulantes, ut nullus eas compellat -b invitas sue satisfacere voluntati, contra hoc generale edictum satagentibus confessis atque convictis ultimo supplicio puniendis, habito tamen considerationis ordine, quod, si in locis habitabilibus vis fuerit illata, clamor -c oppresse truculenter emissus, quam citius poterit, elucescat. Alioquin non videbitur -d vis illata, si mora fuerit octo dierum spatio -e subsecuta, nisi forsan hiis diebus invita probabitur fuisse detenta.